Роднина, чиј идентитет е познат на редакцијата на Канал 5, упати повик преку платформата GoFundMe до сите хумани луѓе за поддршка на петте внучиња од Кичево – Дарко, Давид, Блаже, Теодора и Ивона Јовановски.
Овие деца се соочуваат со тешки услови и итно им е потребна помош за подобар живот, особено во овој предновогодишен период, кога нивните врсници со радост го очекуваат своето празнично пакетче од Дедо Мраз.
Апелот е насочен кон сите добродушни луѓе кои можат да помогнат овие деца да ја почувствуваат магијата на празниците, бидејќи секоја донација, без разлика на нејзината големина, може значително да го промени нивното секојдневие.
Роднината ги замолува сите кои можат да се вклучат во оваа иницијатива и да овозможат на овие деца момент на радост, топлина и надеж за подобра иднина.
„Трагично, мојот братучед, 35-годишен, почина во сон (мозочен удар), оставајќи 5 мали деца на возраст од 3 до 8 години: Дарко, Давид, Блаже, Теодора и Ивона.
Тој беше единствениот вработен во семејството; мајката ги оставила децата пред 3 години и не е заинтересирана да се грижи за нив. Помогнете му на ова семејство со трошоците за погреб и финансиска помош за децата. Социјалната помош ќе биде тешко остварлива некое време бидејќи мајката не е во земјава. Децата моментално живеат со баба со хендикеп и помлад вујко, тие сакаат да ги задржат и посвојат децата. Сè што ќе им биде од помош, им треба храна, медицинска нега, платена комунална услуга, облека итн. Ви благодарам и Бог да ве благослови“, пишува во објавата на „GoFundMe“.
