Германскиот синџир на маркети Лидл наскоро ќе отвори свој маркет и во Велес, носејќи ги своите препознатливи производи и услуги поблиску до граѓаните на овој регион.
Веста беше официјално споделена на социјалните мрежи од градоначалникот на Општина Велес, кој ја истакна важноста на оваа инвестиција за локалната економија.
„Изминатава година напорно работевме за завршување на сите потребни административни процедури кои завршија денес со усвојување на седницата на Советот на Општина Велес, со што овој светски познат бренд на маркети ќе може да ја направи својата инвестиција во Велес. Оваа инвестиција ќе значи нови вработувања и придвижување на локалната економија“, објави Колев
