Денеска, поради одржување на протест и протестен марш, во Скопје ќе биде воведен посебен режим на сообраќај. Според информациите од Министерството за внатрешни работи, Единицата за безбедност на патниот сообраќај при СВР Скопје ќе преземе мерки за регулирање на сообраќајот на одредени локации во градот.
Со почеток во 14:00 часот, сообраќајот ќе биде ограничен во делот кај крстосницата помеѓу булевар „Никола Карев“ и улица „Прохор Пчињски“. Дополнително, од 16:00 часот, ќе се воведе посебен режим на сообраќај поради протестниот марш кој ќе се движи од пред Министерството за животна средина на улица „Филип Втори Македонски“, преку Собранието на РСМ на улица „11-ти Октомври“. Потоа маршот продолжува по улицата „Димитрие Чуповски“, свртува десно на улицата „Васил Главинов“ и завршува на булевар „Илинден“ пред Владата на Република Македонија.
СВР Скопје апелира до граѓаните да ги почитуваат насоките и инструкциите од полициските службеници за да се овозможи безбедно и непречено одвивање на настаните.
