Трошоците за живот продолжуваат да растат, а официјалната статистика објави дека цените во ноември се зголемени за 4% во споредба со претходниот месец.
Годишната инфлација достигна 4,3%, што е значително повисоко од претходно измерените стапки. Ова поскапување најмногу се чувствува кај основните прехранбени производи, каде што зголемувањата се најизразени.
Според податоците на Државниот завод за статистика, најголемо поскапување е забележано кај зеленчукот, кој за една година поскапел за 15,6%. Следат млечните производи, сирењето и јајцата со зголемување од 7,1%, а значителен раст има и кај месото (4%), маслото за готвење (8,7%), како и кај безалкохолните пијалаци (12,9%). Кафето, чајот и какаото пораснале за 12,6%, додека минералните води и негазираните сокови од овошје и зеленчук бележат пораст од 13,6%. Алкохолните пијалаци и тутунот, исто така, покажуваат пораст на цените од 6,8%.
