Фото: Принтскрин
Доналд Трамп, новоизбраниот претседател на САД, изјави дека Украина и нејзиниот претседател, Володимир Зеленски, се подготвени да постигнат договор за решавање на конфликтот со Русија. Тој упати апел за итен прекин на огнот и започнување на мировни преговори.
„Зеленски и Украина сакаат договор за да се стави крај на ова лудило. Загубите се огромни – околу 400.000 војници и многу повеќе цивили. Време е веднаш да се прекине огнот и да се отвори пат за преговори,“ напиша Трамп.
Тој нагласи дека премногу животи се изгубени непотребно, семејства се уништени, и ако конфликтот продолжи со истото темпо, тоа би можело да ескалира во многу посериозна и опасна ситуација.
