Претседателката Гордана Сиљановска Давкова не присуствуваше на церемонијата на отворањето на реновираната катедрала Нотр Дам во Париз, која се одржа денес, поради технички проблеми со владиниот авион. Ова го потврди Кабинетот на претседателката преку официјално соопштение.
„По повод информациите објавени во одредени медиуми дека претседателката Гордана Сиљановска Давкова учествува на церемонијата на отворањето на реновираната катедрала Нотр Дам, Кабинетот информира дека таа не отпатува во Франција,“ стои во соопштението.
Катедралата Нотр Дам, која претставува еден од најзначајните симболи на француското културно наследство, беше официјално отворена по долгогодишната реставрација предизвикана од катастрофалниот пожар во 2019 година.
