Новоизбраниот претседател на САД, Доналд Трамп, францускиот претседател Емануел Макрон и украинскиот лидер Володимир Зеленски денеска се сретнаа во Париз, во пресрет на свеченото отворање на обновената катедрала Нотр Дам. Средбата привлече големо внимание, имајќи предвид актуелните глобални предизвици и војната во Украина.
Украинскиот претседател Зеленски ја оцени средбата како „корисна и продуктивна“, истакнувајќи ја важноста на меѓународната соработка за постигнување траен мир.
„Сите сме обединети во желбата оваа војна да заврши што поскоро и на праведен начин. Разговаравме за потребите на нашиот народ, за состојбата на фронтот и за можностите за постигнување праведен и одржлив мир“, напиша Зеленски во својата изјава по состанокот.
