На престојниот голем концерт „Македонијо, во срце те носиме,“ закажан за 7 декември во салата на Македонската филхармонија, љубителите на македонската музика ќе имаат прилика да уживаат во уште една безвременска песна од репертоарот на легендарниот Гоце Николовски.
По емотивната „Има една земја сонце што ја грее,“ која е веќе длабоко врежана во срцата на македонската публика, на овој концерт премиерно ќе биде изведена и „Како пиреј“ – песна што првично ја плени публиката на Фолк-фест Валандово во 1994 година, а ќе биде во изведба на македонскиот пејач Ламбе Алабаковски.
Концертот ќе се одржи на 7 декември 2024 година во Големата сала на Филхармонија со почеток од 20 часот.
