Силното невреме што често создава проблеми во авиосообраќајот во Дубровник повторно се јави денеска околу 11:30 часот, нарушувајќи го слетувањето на летот на Аер Лингус од Даблин.
Видео објавено на социјалните мрежи покажува како силниот ветер го носи авионот додека пилотот се обидува да слета на аеродромот Руѓер Бошковиќ.
Иако слетувањето изгледало како да е речиси невозможно по првиот неуспешен обид, пилотот успеал да го заврши слетувањето без никакви проблеми.
