Министерот за внатрешни работи, Панче Тошковски, во својата последна изјава се осврна на вчерашниот инцидент во кој беше ограбен салонот на „Нептун“ во близина на Градскиот парк во Скопје. Тој истакна дека тројца полицајци кои реагирале на местото на настанот ќе бидат наградени за нивната брза и професионална интервенција.
Според информациите од министерот, разбојниците, вооружени со огнено оружје и фиктивна бомбашка направа, успеале да одземат околу 10.000 евра од салонот. При обидот да избегаат од местото, полицијата интервенирала, при што било употребено огнено оружје, но само како предупредување, без повредени.
„Со координирани активности на Министерството за внатрешни работи, Секторот за внатрешни работи Скопје и Единицата за интервентна полиција, случајот е расчистен. По насоки од јавниот обвинител, ќе бидат преземени дополнителни мерки за обезбедување на правната постапка“, истакна Тошковски.
