Во Грција, од почетокот на учебната година во септември до денес, суспендирани се вкупно 10.700 ученици поради непочитување на забраната за користење мобилни телефони за време на наставата. Оваа информација ја соопшти денеска грчкиот министер за образование, Киријакос Пиеракакис.
Забраната за користење на мобилни телефони од страна на учениците беше воведена на почетокот на оваа учебна година, со цел да се намали одвлекувањето на вниманието и да се подобри квалитетот на наставниот процес.
Според грчкиот весник Катимерини, регулативата има за цел да создаде подисциплинирана училишна средина и да се фокусира на подобрување на едукативниот процес.
