Осум лица се приведени како првичен исход од инцидентите што се случија за време на прославата на Денот на албанското знаме, кога група лица го осквернавија македонското државно знаме во центарот на Скопје.
Дејствата како газење, палење и симнување на државниот симбол се сметаат за сериозно прекршување, а четворица од осомничените ќе бидат кривично гонети за поттикнување национална, расна или верска омраза, раздор или нетрпеливост. Ова дело, според законските одредби, може да резултира со затворска казна од една до пет години.
По инцидентите во главниот град на Македонија пристигнаа осуди од сите страни за лицата кои вчера се осмелија да создадат меѓуетнички тензии со кинење на државното знаме на државата која ги израснала, образувала и вложувала во нив за подобар живот.
Институциите најавија дека ќе има санкции за сторителите на кривични дела во текот на нешто што требаше да биде прослава, а на крајот се претвори во хаос со омаловажување на мнозинството граѓани Македонци кои живеат во Македонија.
