Израелските одбранбени сили соопштија дека при воздушен напад врз цел во Појасот Газа е ликвидиран Мумин ал-Џабари, истакнат член на Хамас и снајперист. Нападот бил извршен врз зграда која некогаш служела како училиште, каде што Ал-Џабари се криел и извршувал свои активности.
Од израелската армија го опишаа како искусен и високообучен терорист, кој бил дел од снајперската единица на Хамас. Според нивните информации, тој не само што се криел на оваа локација, туку и складирал значителна количина оружје и муниција во објектот што го користел.
Нападот е дел од пошироките операции на израелските сили насочени кон неутрализирање на високи функционери на Хамас и уништување на нивната инфраструктура, која претставува закана за безбедноста на регионот.
