Претседателот на Србија, Александар Вучиќ, синоќа гостуваше во емисија на британскиот јавен сервис Би-Би-Си, каде ги изнесе клучните цели и ставови на неговата земја. Тој нагласи дека Србија останува посветена на интеграцијата во Европската унија, додека истовремено ги зачувува традиционалните партнерства со истокот.
„Нашата стратегија е јасна – сакаме Србија да стане полноправна членка на Европската унија, но при тоа да ги зачуваме пријателствата и партнерствата со земјите од исток. Меѓутоа, патот кон ЕУ бара мир и стабилност, без кои не може да се постигне вистински напредок,“ изјави Вучиќ.
Во разговорот, претседателот се осврна и на односите со други глобални актери. Споменувајќи разговор со поранешниот американски претседател Доналд Трамп, Вучиќ изјави дека на прашањето дали Србија има проблеми со Кина, тој одговорил дека нема, подвлекувајќи ја важноста на соработката со оваа земја.
Во однос на статусот на Косово, Вучиќ беше категоричен: „Србија никогаш не го признала Косово и нашиот став по ова прашање останува непроменет.“
