Инцидент се случи вчера попладне на Меѓународниот аеродром Скопје, кога по претходна вербална расправија две лица влегоа во физичка пресметка. Настанот бил пријавен во СВР Скопје околу 18.00 часот, а според информациите, тепачката се случила околу 15.30 часот.
Како што е наведено во полицискиот билтен, нарушувањето на јавниот ред и мир се случило помеѓу А.Р. (33) од село Марино и А.Д. (30) од село Зелениково, двајцата од скопскиот регион.
Надлежните органи презедоа мерки за смирување на ситуацијата, а инцидентот е подложен на целосно документирање. По завршување на истрагата, ќе биде поднесен соодветен поднесок против инволвираните лица.
