Рускиот претседател Владимир Путин соопшти дека Русија извршила напад со балистички ракети со среден дострел врз украински воен објект, како реакција на неодамнешните напади на Украина, реализирани со западно оружје со долг дострел. Ова го изјави во неговото денешно телевизиско обраќање до јавноста.
Во својата изјава, Путин ги обвини западните земји дека го влошуваат конфликтот во Украина, дозволувајќи на Киев да користи ракети со долг дострел за напади врз руска територија.
Додаде и дека Русија ќе преземе одлучни мерки за да го заштити својот територијален интегритет и безбедност, истакнувајќи дека одговорноста за натамошните ескалации лежи кај западните држави и нивните сојузници.
