Фото: Принтскрин
Украинскиот претседател Володимир Зеленски предупреди дека доколку САД ја прекинат својата поддршка за Киев, Украина нема да може да ја добие војната против Русија.
Во интервју за „Фокс њуз“, Зеленски изрази загриженост за ограничените домашни капацитети за производство на оружје, истакнувајќи дека тековната поддршка од меѓународните партнери е клучна за одржување на отпорот против руската агресија.
„Ако САД ја укинат својата помош, верувам дека ќе ја загубиме војната. Нашето производство постои, но тоа е далеку од доволно за да извојуваме победа. И не е доволно дури и за основно опстојување,“ изјави Зеленски, истакнувајќи дека, и покрај сите предизвици, Украина ќе продолжи да се бори, без оглед на тоа каква ќе биде одлуката на Вашингтон.
