Мурал посветен на еден од најлегендарните македонски актери, Ѓорѓи Колозов, симбол на македонската култура и детство за многу генерации, го краси ѕидот на едно скопско кафуле.
„Ако државата не му изгради споменик, народот наоѓа начини да му оддаде почит“, напиша неговата ќерка, Катерина Колозова.
Таа истакна дека исклучок претставува иницијативата за муралот поддржан од Министерството за култура, како и чинот на Град Скопје, во времето на раководството на Петре Шилегов, кој именуваше улица во негова чест.
„За овие постапки сме неизмерно благодарни“, додаде таа.
Муралот не само што е уметничко дело, туку и силен потсетник на непресушниот придонес на Ѓорѓи Колозов во збогатувањето на македонскиот културен идентитет и неговата трајна врска со народот.
