Делови од општината Ѓорче Петров, вклучувајќи ги Стопански двор и дел од Волково, се без електрична енергија веќе повеќе од три часа. Исто така, околу еден час без струја се и скопските населби Водно и Црниче.
Проблемот е предизвикан од дефект на 10-киловолтна далекуводна линија, што предизвика прекин во работата на неколку трафостаници во Скопје.
Портпаролката на ЕВН, Ленче Карпузовска, за „Слободен печат“ изјави дека екипите веќе работат на решавање на проблемот.
