Сонцето од Кутлеш е симбол кој се среќава во разни древни остатоци, цркви и народни градби во земјата, а сега е пронајден и на златните предмети кои беа откопани во нивата во струшко.
Денес, симболот го користат скоро сите македонски здруженија во дијаспората, македонската општина Пустец во Албанија, многубројни организации во Македонија и беше државно знаме на Македонија од 1991 до 1995 година.
„Eксклузивно ги презентираме вредните наоди откриени на локалитет во Охридско-струшкиот регион. Откритијата се резултат на последните археолошки ископувања кои го осветлуваат животот на цивилизациите што оставиле траги од минатото, но чија култура и влијание се и понатаму значајни за нашето разбирање на историскиот контекст“, објави министерот за култура и туризам, Зоран Љутков.
