Министерството за внатрешни работи најави дека видеокамерите кои ќе бидат поставени на улиците во Скопје ќе започнат да изрекуваат казни за сообраќајни прекршоци од почетокот на следната година.
Проектот „Безбеден град“, чија цел е да го подобри сообраќајниот ред и да ја зголеми безбедноста, е создаден за да помогне во намалување на бројот на жртви во сообраќајните несреќи. Дополнително, се предвидуваат законски измени кои ќе овозможат автоматско санкционирање на прекршоците, без директна човечка интервенција при донесувањето на одлуката.
Видеокамерите ќе ги регистрираат прекршоците, а казните ќе бидат автоматски изречени, без можност за поништување.
Да потсетиме, при тестирањето на овој систем во јуни, за само два часа беа регистрирани околу пет илјади прекршоци.
