Путин е подготвен за разговор со Трамп за Украина

Портпаролот на Кремљ, Дмитриј Песков, реагираше на прашањето дали подготвеноста на Владимир Путин да разговара со Доналд Трамп подразбира промена на барањата од страна на Русија.

Во средата, на настан во Сочи, Путин изјави дека е отворен за дијалог со претставникот на Републиканската партија, Доналд Трамп, кој во вторникот победи на претседателските избори во САД.

„Претседателот никогаш не изјавил дека ќе има промени во целите на специјалната воена операција. Напротив, неколкупати потврди дека тие остануваат непроменети. Ова е директно поврзано со заштитата на безбедносните интереси на нашата земја и на рускиот народ кој живее во тие региони. Затоа, нема никакви измени во позицијата на Русија“, кажа Песков.