Фото: Принтскрин
Американските гласачки места почнуваат да се затвораат од 19:00 часот EST (01:00 по македонско време), а последните ќе се затворат во 22:00 EST (04:00 по наше време). Сепак, првичните резултати може да се појават брзо во држави како Џорџија и Северна Каролина, кои имаат побрз систем на броење.
Целосниот исход може да биде познат до утрешниот ден, но ако трката е тесна, конечните резултати би можеле да потраат неколку дена, па дури и недела. Ова зависи од пребројувањето во „свинг“ државите како Пенсилванија, Мичиген, и Висконсин, кои го одредуваат исходот на изборите.
Новиот претседател, доколку изборните резултати се потврдат без одложувања, ќе биде инаугуриран на 20 јануари наредната година.
