Стотици граѓани излегоа на протест против шпанскиот крал Фелипе, кралицата Летиција, како и против премиерот и регионалниот лидер на Валенсија. Протестите се случија за време на официјалната посета на кралот во една од општините кои беа најсилно погодени од неодамнешните смртоносни поплави.
Демонстрантите фрлаа кал и извикнуваа „убијци“ додека кралот се обидуваше да ја спроведе посетата. Обезбедувањето се обидело да го заштити кралот со чадор.
За време на настанот, еден човек се обидел да го нападне кралот и присутните, удирајќи со шипка, но бил совладан од полицаец по неколку замавнувања.
