25-годишен маж од Штип вечерва се предал во полицијата, признавајќи дека ја убил својата партнерка. Според изјавата на Министерството за внатрешни работи за „Слободен печат“, тој самиот пријавил дека телото на девојката се наоѓа во еден објект во градот.
„Денеска, 01.11.2024, околу 20:15 часот, лицето Ф.З. (25) од Штип дошло во Полициската станица Штип и пријавило дека ја убил неговата партнерка Е.П. од Штип, наведувајќи каде може да се најде телото,“ соопштија од МВР.
Полициски службеници го пронашле телото, а на местото на настанот се врши увид во присуство на дежурен јавен обвинител.
