Естрадниот новинар Зоран Василевски, познат под прекарот Зоки Фаци, почина утрово во 6:40 часот по долга борба со ракот.
Веста за неговата смрт првично беше споделена на социјалните мрежи од неговиот долгогодишен пријател и соработник Стефан Лазаров.
„За жал ова утро во 6:40 почина Зоран Василевски. По долга борба со ракот тој не успеа. Македонија изгуби новинар, другар, човек кој знаеше да помага на сите. Сочувство до фамилијата и блиските. Погребот ќе биде утре, а каде и кога ќе ве известам. Те сакам пријателе, секогаш ќе се сеќавам на тебе и на твојата насмевка. Многу ќе ми фалиш“, објави Лазаров.
