На железничката станица во Нови Сад денеска се урна дел од настрешницата, при што има повредени и загинати лица, објави медиумот „Н1“.
На терен веднаш пристигнале седум екипи на Брза помош и три противпожарни возила. Инцидентот се случил околу 12:00 часот, по што железничката станица веднаш била затворена за јавноста.
Во тек е расчистување на урнатините со помош на багери и камиони, а екипите трагаат по лица кои можеби се затрупани под остатоците.
Урнатата настрешница се наоѓала над главниот влез на станицата и била изградена во 1964 година.
