Четири атлети од Специјалната Олимпијада на Македонија учествуваа на Европската пливачка средба во Монако во период од 25 до 28 октомври 2024 година, организирана под покровителство на принцезата Шарлин.
Во конкуренција од 180 натпреварувачи, македонските претставници освоија вкупно три медали за нашата репрезентација.
Јулијана Петровска се натпреваруваше на 50 метри слободен стил, завршувајќи на четвртото место, додека во дисциплината 25 метри грбно освои бронзен медал.
Катерина Петковска покажа силен настап, пласирајќи се на четвртото место и во дисциплините 25 метри слободен стил и 25 метри грбно.
Стефан Трпковски се истакна со две бронзени медали, освојувајќи трето место и во дисциплината 25 метри грбно и во 25 метри слободен стил.
Марио Мицковски постигна одлични времиња на 50 и 100 метри слободен стил, но поради здравствени причини не учествуваше во финалните трки.
