Египет повторно бара враќање на прочуената биста на кралицата Нефертити, која веќе повеќе од еден век се наоѓа во музејот Нојес во Берлин. Иако египетските власти го обновуваат ова барање, германската влада категорично го отфрла, нагласувајќи дека скулптурата ќе остане во Берлин.
Вредноста на оваа значајна историска реликвија, која е еден од најпознатите артефакти од древниот Египет, е проценета на 400 милиони евра. Бистата, стара 3.370 години, е изложена во германскиот музеј од 1922 година.
Ова не е прв пат Египет да побара репатријација на овој културен артефакт. Поранешниот египетски министер за антиквитети, Захи Хавас, активно се залага за нејзино враќање уште од 2011 година, а неодамна го засили својот ангажман.
Хавас дури покрена и петиција, со која ги повикува германските власти да ја вратат оваа историски значајна скулптура во Египет, но засега добива негативен одговор од Берлин.
