Зголемувањето на глобалната популарност на „ТикТок“ резултираше со тоа што коосновачот на матичната компанија „ByteDance“ стана најбогатиот човек во Кина.
Според листата составена од „Hurun Research Institute“, Жанг Јиминг сега има богатство вредно 49,3 милијарди долари, што е пораст од 43 проценти во споредба со минатата година.
Овој 41-годишен бизнисмен се повлече од раководството на компанијата уште во 2021 година, но се претпоставува дека сè уште поседува околу 20 проценти од компанијата.
„ТикТок“ стана една од најпопуларните социјални мрежи во светот, иако постојат сериозни грижи во некои земји за неговата поврзаност со кинеската држава. Иако и „ByteDance“ и „ТикТок“ тврдат дека функционираат независно од кинеската влада, САД планираат да го забранат „ТикТок“ во јануари, освен ако „ByteDance“ не го продаде.
